Xitay réjimining tarix sehnisidin öchürüwetmekchi bolghan Uyghur millitining mewjutluqini we kimlikini qoghdash kürishide yene bir muhim qedem tashlandi. 2019-yilidin buyan muhajirette zor pidakarliq bilen paaliyet élip bériwatqan "Ewlat Neshriyati", özining tor supisi ewlatnesriyat.com ni xelqning xizmitige sundi.

Islam Dini: Milli Mewjutluq we Tilning Kapaliti Ewlat Neshriyati özining qurulush pelsepisining merkezige, muhajirette tughulup ösken Uyghur perzentlirining ana tili we meniwiy yiltizidin üzülüp qalmasliq ghayisini qoyidu. Uyghur millitining mewjutluqining eng küchlük kapaliti bolghan Islam dinini balilar we yashlargha ana tilida söyündürüshti meqset qilghan neshriyat; dinni qoghdash arqiliq tilnimu saqlap qélishni nishanlaydu. Bu mesuliyet éngi bilen heriket qilghan supa, medeniyet miraslirini kéyinki ewlatlargha yetküzüsh arqiliq, assimilatsiye siyasetlirige qarshi pikiriy bir tosuq berpa qilmaqta.

2019-yilidin Bügün'geche: 130 din Artuq Eser bilen Zor Medeniyet Xizmiti 2019-yili qurulghandin buyan qisqa waqit ichide zor ilgirileshlerni qolgha keltürgen Ewlat Neshriyati, bügün'ge qeder 130 din artuq eserni oqurmenler bilen yüz körüshtürüp, Uyghur neshriyatchiliq dunyasidiki muhim bir boshluqni toldurdi. Emma xizmetler buning bilenla cheklenmeydu; neshriyatning pilanida nöwette Uyghurche neshr hoquqi élinghan 200 din artuq yéngi kitab türi üstide estayidil xizmet ishlenmekte.

"Mesuliyitimizni Yéniklitish Üchün Tirishiwatimiz" Yéngidin échilghan ewlatnesriyat.com bétide élan qilinqan bayanatta mundaq déyildi: "Bizning asasliq meqsetimiz, perzentlirimizning öz kimlikige yatliship kétishining aldi élish we zimmimizdiki éghir tarixiy mesuliyetni sel bolsimu yéniklitishtur. Dinimiz we tilimizning qoghdilishi millitimizning mewjutluq kürishining yürükidur. Yéngi tor bétimiz bu muqeddes mirasni dunyaning herqaysi jayliridiki Uyghur aililirige yetküzüshte bir köwrük bolidu."

Tor Békette Némiler Bar? Oqurmenler ewlatnesriyat.com arqiliq:

• Islamiy ilimlerdin balilar edebiyatighiche bolghan keng dairidiki Uyghurche eserlerge érishileydü.

• Neshr qilinqan 130 din artuq eserni köreleydu we sétiwalalidu.

• Kéyinki ewlatlar üchün teyyarliniwatqan türler heqqide yéngi uchurlargha ige bolalaydu.

Gheyret bizdin, muweppeqiyet Allahtindur.